اونوتما هیچ زامان منی

سن دلی باز منده دلی

قویماریغ هیچ زامان بیزه

یتیشسین آیریلیغ الی

آی دونیانین گوزل قیزی

سن هارداسان من هاردا

دوزنمیرم سنن اوزاق

ایندی غریب دیاردا(۲)

ناز ائله سنین نازین چکیم

آیریلما کوسمه یوخدور

سنده دوزوم آز اولسادا

اورکده سئوگی چوخدور

اوزاق یاخین نه فرق الیر

سئوگی اورکده اولسا

دونیام ییخیلار باشیما

گوزون یاشیلا دولسا

داستان اولوبدو سئوگیمیز

یار نه گوزل یازیرسان

سن او قدر یاخشیسان کی

عاقلی باشدان آلیرسان

آی سنه قربان من اولوم

اورکده باشقادیر یرین

دنیایا ورمه رم سنی

دیر دنیایا بیر تئلین