Soruşsalar kiməm mən haralıyam

Bu eldənəm , bu dağların oğluyam

Ellər mənim,dağlar mənim oylağım

Həm aranlı həm də qarabağlıyam

Vurğunuyam təbiətin çöllərin,

Vurğunuyam meşələrin göllərin

Seyrinə gəl bizim gözəl ellərin

Öz eşqimlə Vətənimə bağlıyam

Axtar məni,dağların zirvəsində

Axtar məni,çinarın kölgəsində

Axtar məni saf suların səsində

Öz eşqimlə Vətənimə bağlıyam

Soruş məni dağda əsən yellərdən

Coşub daşan dəli dəli sellərdən

Soruş məni çiçəklərdən güllərdən

Öz eşqimlə Vətənimə bağlıyam